Qaqqat seqummaat sermeqarfinneersut – nunarsuarmi naggorissaat nutaaq?

Kalaallit Nunaannit qaqqat seqummaat sermeqarfinneersut nunamik innarlerneqarsimasumik naggorissasinnaanersut, kiattorsuarni orpissassuit ikuallannginnissaat anguniarlugu aamma Kalaallit Nunaanni suliffeqarfinnik ataatsikkut pilersitsisoqarsinnaanersoq ilisimatusarnermik suliniutip misissorniarpaa.

Ilisimatusarluni suliniut nutaaq Ilisimatuumit Minik Rosingimit Statens Naturhistoriske Museum, Københavns Universitet-iminngaanneersumit aqunneqartumit, Kalaallit Nunaanni qaqqat seqummaat sermeqarfommeersit naggorissaatitut assartorneqarsinnaanersut maannakkut misissuiffigineqalerpoq. Ilisimatusarluni suliniut Novo Nordisk Fondimit 5 mio. Kr.-inik tapiiffigineqarsimavoq.

Sermersuaq uniffeqanngitsumik qaqqanit ingerlaarnera peqqutaalluni ataani qaarsortat sequterneqarput aamma annikitsuaranngorlutik silineqarput qaqqat seqummaat sermeqarfinneersunik taaguutillit. Erngup aattup qaqqat seqummaat sermeqarfinneersut tatsinut kangerlunnullu ingerlatittarpai, tassani marallunnguuttarluni. Ukiuni kingullerni tusindilikkaani annertuupilussuarmik Kalaallit Nunaata kangerluini maralluit sarajattut inissittarsimapput aamma pinerit tamaasa nutaanik atortussanik pilersitsisoqartarpoq.

Siornatigut misissorneqarsimanngisaannarpoq qaqqat seqummaat sermeqarfinneersut isumalluutissatut soqutiginaateqarnersut, arlaannut atorneqarsinnaasunik. Kisianni suliniutip matuma paasiniassavaa qaqqat seqummaat sermeqarfinneersut kiattorsuarni nunani innarlerneqarsimasuni tangeqarluartumik naggorissaatitut ilippanaateqarnersut, taamaalilluni nunarsuarmi annertunernik aamma pitsaanerusunik nerisassanik tunisassiortoqarsinnaassammat. Suliniut naatitanik ilisimatusartut, nunamik ilisimatuut, nunap ilusaanik ilisimatuut aamma Kalaallit Nunaanni inuussutissarsiortut akornanni suleqatigiinnikkut ineriartortinneqarpoq.

Ilisimatooq Minik Rosing, Statens Naturhistoriske Museum, Københavns Universitet uani e-mail: minik@sund.ku.dk