Saligaatsoq 2020 sumiiffimmi suleqatigalugu iluatsilluartoq
Nuna tamakkerlugu sumiiffimmi Saligaatsoq suleqatigalugu pingaaruteqarpoq.
Illoqarfiit tamarmik aamma nunaqarfiit ilaat eqqummaarissumik angusaqarluarnissamut suleqatigiilluarneq aqqutaasoq uppernarsaqqissimavaat. CSR Greenland-ip saligaatsuunermik ingerlatsisimasut sumiiffiit ingerlatsisimasut pilersaarusioqataasimasullu qutsavigerusuppai. Pilersaarusioqatigiittartut nalinginnaasumik suliffeqarfiusarput, kommuniusarput aamma nammineq kajumissutsimik atuisuunerusarput.
Nunat allat saligaatsuunerup ullua ukioq manna unitsiinnartariaqarsimavaat Covid-19 peqqutaalluni, kisianni CSR Greenland-ip malittarisassat ersarissut isumannaarnerisigut Kalaallit Nunaannit saligaatsumik ulloq ingerlassinnaasimavaat.
Suliniutip anguniagaraa Saligaatsoq sumiiffimmi piujuarnissaa, ukiut tamaasa pisartussaq. Ukioq manna malugisimavarput sumiiffimmi najukkami ataatsimiisitaliat suliq pigiliussimagaat. Suliffeqarfiit unneqqarillutik atortussanik aamma pissarsiassanik pisariaqartunik tunisisimapput. Nammineq kajumissutsiminnik suliallit aammattaaq avatangiisi qanittuminni nammineerlultik saliineq aallartissimavaat, aput aanniariartoq aamma annertunerusumik qaqugu saliisoqassanersoq qaqugulu eqqakkanik katersat peerneqarnissaannut aaqqissuussat pillugit apeqqutilliisimallutik.
Saligaatsoq 2021-mut sulianut suliniutinut atortorissaarutit suliariniarpai, taakku nammineq pilersaarusioqatigiit ingerlasut ikorfartorniarlugit. Tamanna kisianni isumaqarpoq sumiiffinni kommunini aamma suliffeqarfinni suli pilersaarusioqatigiinnik suleqateqartoqassasoq, tamanna iluatsilluartumik ingerlassappat.
Suleqatigiinnissamut soqutigisaqaraanni CSR Greenland attavigineqarsinnaavoq uani csr@csr.gl.