SDG 2030 agenda pilersaarusiortarnermut inatsimmik nutaangorsaanermi ilaavoq
SDG 2030 agenda pilersaarusiortarnermut inatsimmik aaqqissuussamik ingerlatsinermut piffissami aggersumi nutarterinissamut aamma pilersaarusiortarnermut nunaminertassamillu tunniussinissamut allaffissornikkut aqutsinissamik nutarterinissamut isumassarsiornermut aamma periusissiornermut toqqammaviuvoq.
Piffissami aggersumi pilersaarusiortarnermut inatsisip nutarternissaanut SDG 2030 agenda atorneqassaaq, pilersaarusiortarnermut inatsisip qitiusumik piujuartitsilluni ineriartorneq sinaakkuserniarlugu. Pitsanngorsassallugit ukkatarineqarput 1) pilersaarusiortarnermut inatsisip sinaakkutaannut aalajangersakkat aamma inuussutissarsiornikkut aningaasaliinermut sinaakkutinit piumasaqaatit, 2) pilersaarusiortarnermut inatsisip avatangiisinut aalajangersakkat aamma avatangiiseq eqqarsaatigalugu inuit peqqissusaannut aamma inuulluarnissaannut tunngasut, kiisalu 3) pilersaarusiortarnermut inatsisip aqutsinermut ingerlatsinermi Allaaserisaq nutaaq.
Pilersaarusiortarnermut inatsimmi ajornartoorfiusinnaasut ilaat ullumikkut misigisagut ilaatigut nunaminertassamik tunisinissamut tunngatillugu paatsuunganarsinnaasut, nunaminertassamik tunisinerup utertinneqarnera, suliniuteqarnermi qinnuteqaatini nunaminertassamik inniminniinissamut periarfissat paatsuunganarsinnaassut, immikkoortortaqarfinni pilersaarusiorneq pillugu aalajangersakkat amigartut, inuussutissarsiornermi aningaasaliinissamut piffissaq qaninnerusoq isigalugu paatsuunganarsinnaasut, avatangiisimut tunngatillugu aalajangersakkat amigartut aamma sumiiffiit ilaasa akornanni ungasissutsit assigiinngiiaartut allarpassuillu.
Kommuneqarfik Sermersooq kingullermik politikkikkut ataqatigiissaarinermut eqimattami Naalakkersuisut aamma nunami borgmesterit tallimat akornanni marsi 2020-mi Kangerlussuarmi ataatsimiinnerminni taakku tamarmik pilersaarusiortarnermut inatsisip nutarsarnissaa pisariaqartoq qaqissimavaat. Politikikkut annertuumik pilersaarusiortarnermut inatsisissap nutarsarneqarnissaa tapersersorneqarsimavoq.
SDG 2030 agendamik ukkataqarnerup saniatigut pilersaarusiortarnermut inatsisissamik nutarsaanermi kommunini allaffissornernut sammisat erseqqissarneqassapput aamma piviusumik nunaminertat nunaminertassamik tunisisarnermi aqutsinermik ingerlatsineq pitsanngorsarneqarluni. Inatsimmik matuminnga erseqqissaaneq toqqammaviusumik paasissutissanut aaqqissuussameerpoq aamma digitalinngorsaalluni aqutsinermut periutsinik kinguneqarluni.
Pilersaarusiortarnermut inatsimmik nutarsaanermut suliat pillugit, Pilersaarusiortarnermut aamma nunaminertassamik tunisinermut aamma toqqammaviusumik paasissutissanik aaqqissuussaq nunamut tamarmut iserfissami atuaqqissinnaavatit geodataportal NunaGIS.
Nunamik pilersaarusiornermut immikkoortortaqarfik uani e-mail: landsplan@nanoq.gl