SDG 2030-ip Tasiilami sumiiffimmi peqataatitsineq qulakkeerpaa
“Tasiilami Suleqatigiippugut” - SDG-2030-mik tunngaveqartumik meeqqanut inuusuttunullu Tasiilami eqqaanilu pitsaasumik inuunermi atugaqarnissamik aamma piujuartitsisumik inuuneqarnissamik ineriartortitsinermut pilersitseqatigiinnermik ingerlassaavoq.
“Tasiilami Suleqatigiippugut” (“Tasiilami Suleqatigiippugut”), Tasiilami ineriartortitsinermut ingerlassaavoq ukiuni arfineq pingasuni sumiiffimmi ingerlanneqarsimasoq pilersinneqarlunilu, Kommuneqarfik Sermersooq SDG-sinaakkutaanik kommunip periusissiamik ineriartortitsinissaanut tunngaveqartoq. Ingerlatsineq innuttaasunit aqunneqarpoq, najukkami ataatsimiititaliaq illoqarfiup sumut ineriartornissaanut aqutsisuulluni. Anguniagaavoq Tasiilami meeqqanut inuusuttunullu pitsaanerusumik annertunerusumillu piujuartitsinerusumik atugassaqartitsinermik pilersitsinissaq. SDG-anguniakkanik killigititaannik suliaqarneq isumaqarpoq sumiiffiit assigiinngitsut amerlasuut attorneqassasut, aamma sammisat imminnut ataqatigiissasut, taakku imminnut avissaarsimatinneqartarsimagaluartut.
Tamanna isumaqarpoq, assersuutigalugu najugaqarfimmi ataatsimiititaliaq, Igdlo (Inuusuttut illuat), illoqarfimmi peqatigiiffiit, aqutsisoqarfiup immikkoortortaqarfii, atuarfik, nammineq kajumissusillit, peqqinnissaqarfik Nuummi aamma Danmarkimi attaveqarfissat suleqatigineqartut. Aamma tamanna isumaqarpoq sammisat soorlu ilinniartitsinerit, illoqarfimmi upalungaarsimaneq, uppiit, piujuartitsisumik najugaqarfiit, siusissukkut suliniutit anaananut inuusuttunut, piujuartitsisumik illoqarfimmik ineriartortitsineq, piginnaasalinnik paaqqinninneq, inuussutissarsiortunik nutaanik inariartortitsineq il.il. tamarmik ineriartortitsinermut suliat iluanniittut. Isumasianut allattorsimaffiit aamma suliniutit iluaqutaasinnaasorisat aamma/imaluunnit pisariaqartut allattorneri suliarineqarsimapput.
Kommuneqarfik Sermersuumi innuttaasuni peqataatitsinissamut periusissiaq tunngavigalugu sulisoqarpoq, ilaatigut digitalikkut innuttaasunut peqataatitsinissamut iserfissaq Kommuneqarfiga ikiorsiullugu. Innuttaasut sunneeqataasinnaanerat aalajangikkat pitsaassusaannik qulakkeerinneqataapput, toqqaannartumik toqqaannanngitsumilluunniit innuttaasumut ulluinnarni sunniutilimmik. Tasiilami Suleqatigiippugut suliaraa, taamaaginnartussatut, Tasiilami eqqaanilu sumiiffimmi ineriartortitsinermi Kommuneqarfiga-isertarfiup atorneqarnissaata siammarternissaa. Aammattaaq takusinnaavarput innuttaasunik peqataatitsinissamut periusissiaq aamma Kommuneqarfiga SDG-anguniagaq 17-ip Suleqatigiinnikkut anguniagaqarneq tapersersuinikkut piviusunngortinneqarnissaanut ilaasoq.
Aaqqissuussamut pisortaq Pernille Thorup uani e-mail: pernille@susnow.gl