Menu toqqoruk Matuuk Menu

Imminut akilersinnaasunik atuisunut pilersuisoqartarnissaanik tunisassioriaaseqartoqartarnissaanillu qulakkeerinninneq

Namminersortut pisortaqarfiillu atuinerisa tunisassiornerisalu kinguneri pillugit, killut tamarmik paasisimasaqassapput ilisimasaqarlutillu. Nerisassanik tunisassianit pilersuivinniit annaasat aamma nerisassanik igitsiinnartarnerit annikillisinneqassapput, aamma eqqakkat akisussaassuseqartumik passunneqassapput, aamma atueqqinnerit aqqutigalugit nalinginnaasumik appartinneqarlutik. Pinngortitamit isumalluutit piujuartitsisumik aqunneqassapput aamma pitsaanerusumik atorneqassapput, atavatangiisunut inuiaqatigiinnullu sunniutit annikillisinniarlugit.

Kalaallit Nunaannik nutarterineq nalinginnaasumik inooriaatsitsinnik allannguinernik aamma annertusiartortumik ingerlateqqinneqarnerusumik pinngortitamik taassungalu sunniutitsinnik paasisimasaqarnitsinnut kinguneqarsimavoq.

Kalaallit innuttaasut pinngortitamut qanittuaannarsimapput. Nunarsuaq tamakkerlugu atugassanik niuerfiit aamma niuernernut ilutsit, nunamut assigiinngitsutigut iluaqutaasut,aporfinnik aammataaq pilersitsisimapput, taakku unammillernissaannut pikkorinnerulertariaqarpugut. Kalallit Nunaat eqqakkanik passussinermut pitsaanerulertariaqarpoq, aamma Naalakkersuisut kommunit suleqatigalugit unammilligassaq isumagaat.

Ullumikkut atuinikkut aamma tunisassiornikkut unammilligassaqarpugut, taakku avatangiisitsinnik, pinngortitamik aamma peqqissutsimut sunniisuupput. Taakku inuiaqatigiit ineriartornerannut iluaqutaasimasut ataatsikkut pinngortitatsinnik innarliisimapput aamma ajorneruleraluttuinnarlutik, atuinitsunnut ilutsit allanngortinngikkutigit. Ataatsikkut nunarsuarmit tamanit eqqakkat Issittup imartaani sarfagiussaasimapput, avatangiisitsinnik ajornerulersitsillutik – ingammik imaanut aamma sineriannut. Soorunami maani nutatsinni atortorissaarutit amerlanerit aamma tunisassiat ineriartortinneqarneq ajorput, kisianni nunat assigiinngitsut akornanni inuernerit, tunisassiat Kalaallit Nunaannut ajornannginnerusumik apuuttarput. Nioqqutissat nunatsinnut pereeraangata aatsaat, uagut akisussaaffigaarput eqqakkat isumannaatsumik ingerlanneqarnissaat aamma avatangiisinut, uumasunut inuiaqatigiinnullu aarlerinaateqanngitsumik. Nioqqutissianik assigiinngitsunik tamanik eqqussuinerit ullumikkut Kalaallit Nunaannit qaffakkiartortumik annertusiartorput, aamma pitsannguiffissaqarput, akisusaassuseqartumik atuinitsinnik pissutsinut tunngatillugu.

Nutaarsiassat

Ilisarnaatinik aallerit, nutaarsiassanik atuarit aamma pisussanik nassaarit.

Kalaallit Nunaanni suliffeqarfiit Nunarsuarmi anguniakkanut annertuumik soqutigisaqarput

Suliffeqarfiit aaqqissuussallu 25-it sinnerlugit CSR Greenland-ip Nunarsuarmi anguniakkanik aamma piujuartitsineq pillugit sungiusartitsinerani ukiup kingulliup ingerlanerani peqataasimapput.…

Atuaqqigit

SDG 2030 erseqqissaasutit

Nunatta ingerlariaqqinnissamut suliniutai, unamminartoqarfii periarfissaalu siunissami atuutilernissaanut Inuiaat peqatigiit siunniussaat ukiumut 2030-mut

Atuaqqigit

Aalisagaasivinnik taarsiineq aamma atueqqinneq

Royal Greenland nutaanik aamma piujuartitsinerusunik aalisagaasivinnik ineriartortitsivoq, arlalinnik plastikillit ataatsimik plastikitalinnik aalisagaasivinnik taasiinissamut, taamaalillutik…

Atuaqqigit

@plastic not so fantastic ilisimasanik avitseqateqarpoq aamma isumatuumik plastikimik atuinerup killilernissaanut aaqqiissutinik

Sammisaqaqatigiit, @plastic not so fantastic Kalaallit Nunaanni plastikimik atuinermut killiliinissamik suli arlalinnik soqutiginnilersitsipput.

Atuaqqigit

SDG 2030-ip Tasiilami sumiiffimmi peqataatitsineq qulakkeerpaa

“Tasiilami Suleqatigiippugut” - SDG-2030-mik tunngaveqartumik meeqqanut inuusuttunullu Tasiilami eqqaanilu pitsaasumik inuunermi atugaqarnissamik aamma piujuartitsisumik inuuneqarnissamik…

Atuaqqigit

Piujuartitsinissamut ineriartortitsinermut Nunani Avannarlerni ilisimatuut eqimattat

Nunani Avannarlerni ilisimatuut eqimattat SDG 2030 ukkatassatut pingaartippaat aamma Nunani Avannarlerni Ataatsimiisitaliap iluani piujuartitsinissamik ineriartortitsinermut suliat…

Atuaqqigit

Anguniagassat ilaat

Nunarsuaq tamakkerlugu anguniagassani tamani aalajangersimasunik iliuuserisassaqarpoq.
Akisussaassuseqartumik atuineq tunisassiornerlu pillugit nunarsuaq tamakkerlugu anguniagassaq 12 aqqanilinnik anguniagassartaqarpoq.

12.1
Anguniagassat ilaat 12.1
Agguaruk Ilisarnaqut aaguk

Anguniagassat ilaat 12.1 – Imminut akilersinnaasunik atuisunut pilersuisoqartarnissaanik ukiunut qulinut tunngaviusumik suliniut naammassineqarli

Agguaruk Ilisarnaqut aaguk

Imminut akilersinnaasunik atuisunut pilersuisoqartarnissaanik ukiunut qulinut tunngaviusumik suliniut naammassineqassaaq, nunallu tamarmik iliuuseqassallutik, nunat ineriartorsimasut siuttoralugit, nunat siuarsarniakkat ineriartornerat piginnaasaallu eqqarsaatigalugit.

12.2
Anguniagassat ilaat 12.2
Agguaruk Ilisarnaqut aaguk

Anguniagassat ilaat 12.2 – Pinngortitami isumalluutit piujuartumik atorneqarlik

Agguaruk Ilisarnaqut aaguk

2030 sioqqullugu pinngortitami isumalluutinik piujuartitsisumik aqutsineq kinguneqarluartumillu atuineq anguneqassaaq.

12.3
Anguniagassat ilaat 12.3
Agguaruk Ilisarnaqut aaguk

Anguniagassat ilaat 12.3 – Nunarsuarmi innuttasup ataatsip nerisassanik maangaannartitsinera affanngortinneqarli

Agguaruk Ilisarnaqut aaguk

2030 sioqqullugu innuttaasumut ataatsimut niuertarfinni atuisunilu nunarsuarmiuni nerisassanik maangaannartitsineq affaannanngortinneqassaaq aamma tunisassiortuni pilersuisunilu inuussutissatigut annaasat, tassunga ilanngullugit karrinik katersinerup kingorna karrit annaasat, ikilisinneqassapput.

12.4
Anguniagassat ilaat 12.4
Agguaruk Ilisarnaqut aaguk

Anguniagassat ilaat 12.4 – Akoorutissat aamma akoorutissanik eqqagassat akisussaasumik passunneqarlik

Agguaruk Ilisarnaqut aaguk

2020 sioqqullugu nunani tamalaani tunngavigisaq isumaqatigiissutaasoq naapertorlugu piusimaneranni tamarmi akoorutissanik eqqakkanillu avatangiisitigut illersorneqarsinnaasumik passussineq anguneqassaaq, aamma silaannarmut, imermut nunamullu aniatitsineq annertuumik annikillisinneqassalluni inuup peqqissusianut avatangiisinullu ajortumik sunniutit annikillisinniarlugit.

12.5
Anguniagassat ilaat 12.5
Agguaruk Ilisarnaqut aaguk

Anguniagassat ilaat 12.5 – Eqqagassat annertussusaat annertuumik annikillisinneqarli

Agguaruk Ilisarnaqut aaguk

2030 sioqqullugu pitsaaliuinikkut, annikilliliinikkut, pissarseqqinnikkut atoqqiinikkullu eqqakkanik pilersitsisarneq annertuumik annikillineqassaaq.

12.6
Anguniagassat ilaat 12.6
Agguaruk Ilisarnaqut aaguk

Anguniagassat ilaat 12.6 – Ingerlatseqatigiiffiit piujuartitsisumik ingerlanissaat kajumissaarneqarli

Agguaruk Ilisarnaqut aaguk

Ingerlatseqatigiiffiit, pingaartumik suliffeqarfiit angisuut nunanilu arlalinniittut, nalunaarusiortarnerminni piujuartitsisumik sulinerup atorneqarnissaanut aamma piujuartitsisuuneq pillugu paasissutissat ilanngunneqartarnissaannut kaammattorneqassapput.

12.7
Anguniagassat ilaat 12.7
Agguaruk Ilisarnaqut aaguk

Anguniagassat ilaat 12.7 – Pisortat pisiortornerat piujuartitsisoq kajumissarneqarli

Agguaruk Ilisarnaqut aaguk

Nunami politikit salliutitsinerillu naapertorlugit pisortat pisiortornermik suleriaasiat piujuartitsisuusoq siuarsarneqassaaq.

12.8
Anguniagassat ilaat 12.8
Agguaruk Ilisarnaqut aaguk

Anguniagassat ilaat 12.8 – Inuit tamarmik piujuartitsisumik inuunissamut paasissutissinneqarlik aamma ilisimatinneqarlik

Agguaruk Ilisarnaqut aaguk

2030 sioqqullugu sumiiffinni tamanit inuit piujuartitsisumik ineriartorneq aamma pinngortitamut tulluartumik inuusaaseqarneq pillugu tulluartunik paasisimasaqarlutillu ilisimasaqarnissaat qulakkeerneqassaaq.

12.a
Anguniagassat ilaat 12.a
Agguaruk Ilisarnaqut aaguk

Anguniagassat ilaat 12.a – Nunat ineriartorfiusuni piujuartitsisumik atuisinnaanerat aamma tunisassiorsinnaanerat siuarsarneqarlik

Agguaruk Ilisarnaqut aaguk

Atueriaatsit tunisassioriaatsillu piujuartitsinerusunut sammisumik ingerlanissamut ilisimatuussutsikkut teknologiikkullu piginnaasaannik nukittorsaanerni nunat ineriartorfiusut tapersersorneqassapput.

12.b
Anguniagassat ilaat 12.b
Agguaruk Ilisarnaqut aaguk

Anguniagassat ilaat 12.b – Piujuartitsisumik takornariaqarnermik nakkutilliinissamut sakkussat pitsaanerusut pilersinneqarlik

Agguaruk Ilisarnaqut aaguk

Suliffinnik pilersitsisunik najukkanilu kulturikkut najukkanilu tunisassianut siuarsaasumik piujuartitsisumik takornariaqarnerup piujuartitsisumik ineriartortinneqarneranut sunniutinik nakkutilliinissamut sakkussanik inerisaasoqarlunilu eqqussisoqassaaq.

12.c
Anguniagassat ilaat 12.c
Agguaruk Ilisarnaqut aaguk

Anguniagassat ilaat 12.c – Nunap iluanit ikummatissanut tapiissutit niuernermi equngatitsisut unitsinneqarlik

Agguaruk Ilisarnaqut aaguk

Pisariaqanngitsumik atuinissamut kajumissaasut nunap iluaneersut ikummatissat kinguneqarluanngitsut nunani pissutsit naapertorlugit niuerfinni equngalersitsisut peerneqarnerisigut pisariillisarneqassapput, tassunga ilanngullugit akileraarusersuinermi malittarisassat allanngortinnerisigut atuuffiinilu tapiissutit ajoqusiisut atorunnaarsinnerisigut, nunani siuarsarniakkani immikkut pisariaqartitsinerit piumasaqaatillu atuuttut tamakkiisumik sillimaffigalugit, aamma arlaatigut piitsunik nunaqqatigiinnillu eqqorneqartunik illersuisut ineriartornermut ajortumik sunniuteqartut ikilisillugit.