Naalakkersuisoq Vittus Qujaukitsoq qaffasissumik atorfilik NP-meersoq ataatsimeeqatigaa

Aningaasaqarrnermut Naalakkersuisoq Vittus Qujaukitsoq marlunngornermi 2. Septembari 2020-mi Jens Christian Wandel, nunarsuarmi anguniakkat aamma COVID19 pillugit oqaloqatigisimavaa. Jens Christian Wandel ulluinnarni NP-mi qaffasissumik atorfilik SDG 2030 agenada atortuulersinneqarnissaanut akisussaasuuvoq aamma NP-p aaqqisuussaani COVID19-imik malinnaasoq.

Vittus Qujaukitsoq ataatsimiinneq aallarnersimavaa SDG 2030 agenadmik aamma piujuartitsinermik ineriartortitineq Kalaallit Nunaanni sumut killissimanersoq, kiisalu COVID19-mip kalitaanik aningaasaqarnikkut aporfiusinnaasut nassuiarlugit.

Jens Christian Wandel NP-mi inissisimaffimminit ataatsimiinermi arlalinnik soqutiginartunik SDG 2030 agendamut isiginneriaatsit, COVID19-imik nunarsuaq tamakkerlugu tunillaassuunnermut attuumassutillit saqqummiussimavai. Nunarsuarmi tamarmi nunat tamarmik tunillaassuunnermit – aningaasaqarnikkut, inuiaqatigiinnikkut aamma inuttut sunnertissimapput. Suli siornatigornit pingaarneruvoq nunat piffissaq ungasinnerusoq isigalugu nunarsuarmut tamarmut unammillernarsinnaasunut toraakkatsinnut piujuartitsisumik aaqqiissutinik ujartuinissaat aamma imaanngitsoq tuaviortumik piffissaq ungasinnerusoq isigalugu aalajangiiginnarneq.

Nunarsuaq tamakkerlugu ersarissiartorpoq, nutaani digitalinngorsaanernut aamma IT-p ataqatigiissaarneqarnera nunanut pingaaruteqarluinnartuusoq aningaasaliiffigissallugu, nunat COVID19-imit sunnerneqarnissamut nammineersinnaanerussappata akiuussinnaanerulissappatalu. Annertuumik aningaasaliissutinik utertiteqqinnissamut ilippanaateqarpoq, nunat assersuutigalugu ornigullutik ataatsimiinnermik il.il. nammineersinnaalersinnerisigut. Taassuma saniatigut COVID19-ip naligiinngissusermik ajornartorsiut siornatigornit pisinnaanerulersissimavaa aamma Jens Christian Wandel-ip takorloorpaa aalajaatsunik inuiaqatigiinnik peqartuaannassappat, nunat eqqarsarluarlutik naligiissitaaneq siunissami pingaarnertut suliarissagaaq.

Jens Christian Wandel aammattaaq pitsaasunik Kalaallit Nunaannut nalunaarutissaqarpoq, aammattaaq Kalaallit Nunaannut nutaanik periarfisaqartoq, naak ajornartoorneq qaangerneqarsimanngikkaluartoq. Nunarsuaq tamakkerlugu arlalinnik piujuartitsinermut aningaasaliisinnaasunik peqartoq tikkuaavoq, taakku Kalaallit Nunaannut soqutiginarsinnaapput soqutiginnilersinnissaannik misiliiffigissallugit aamma attavigissallugit. Tamatumani pingaaruteqassaaq Kalaallit Nunaata SDG 2030 agendamik suliai pillugit suli attaveqaateqarnissaq aamma SDG 2030 agendamik atortuulersitsinissamut aaqqissuussineq pissasoq qulakkiissallugu, nunarsuarmi suussusersiutinik katersinikkut aamma malinnaanikkut.

Qaffasissumik atorfilittamit pingaarnertut nalunaarut tassaavoq, Kalaallit Nunaat siumut ingerlammat aamma nunarsuarmi anguniakkanik maannamut sulianik ingerlassimasatsinnik ammassuseq akimullu ersarissuseq atatiinnarneqassasoq aamma assersuutigalugu SDG 2030-mut nittartagaq anguiakkavut tamatuminnga oqariartuutaasoq.

Piffissaqarfigineqarsimavortaaq ukiuni arfineq pingasuni suliniut Sustainablenow, Jens Christian-ip peqataaffigisimasaa eqqartussallugu. Suliniummi: Tasiilami ataatsimoorpugut SDG 2030 agenda qitiusumik atortorissaarutaavoq nutaamik piujuartitsisumik ineriartornissamut sumiiffimmi piginneqatigiinnermik pilersitsinissamik qulakkeerinninnissamut. Ataatsimiinnermi isumaqatigiissutigineqarpoq, ilisimasat misilittakkallu siunissami avitseqatigiissutigineqassasut aamma ataatsimoornikkut nunap iluani SDG 2030 agendamik suliaqarnermut ataqatgiissaarinermik ujartuisoqassasoq, sumiiffimmi suliniut Tasiilami ataatsimoorpugut ilaatillugu.

Aningaasaqarnermut Naakallersuisoqarfik uani e-mail: oed@nanoq.gl