SDG-mut suussusersiutit nunap assinganut takusassiarineqartut

NunaGIS siunissami SDG-mit suussusersiutit nunap assingisigut ersersinniarpai, taamaalillutik sumiiffinni ineriartornerit assigiinngissusaasa takunissaat periarissanngortillugit.

SDG 2030 agendamik atortuulersitsinermut suliat ilaannut aamma SDG-mut suussusersiutinut suliaqaqqilluni ineriartortitsinermut maannakkut SDG qupperneq NunaGIS-iuvoq sumiiffinni qaffasissusilimmik suussusersiutinik ersertitsissut. NunaGIS taamaalilluni Anguniakkavut nittartagaa nutaaq suleqatigilerpaa. Illuanik Anguniakkavut SDG-mik kisitsisinnguinerit nunap iluani nunatut qaffasissusillit ersersikkusukkai aappaanik NunaGIS-ip SDG-mut suussusersiutit sumiiffimmi annikinnerusunik, titartakkatut qaffasissusillit ersersikkusuppai.

NunaGIS-imi siunissami nunap ilaani SDG-mut suussusersiutit assigiinngissusaat, assersuutigalugu Kalaallit Nunaanni Kommuneqarfiit akornanni, nunap assingisigut takuneqarsinnaalissapput. SDG 2030 suussusersiutinut ataasiakkaanut kisittisinnguilluni tunngaviit nunap ilusaata qaffasissusaanut agguataanerisigut, Kalaallit Nunaata iluani annertunerusumik suliniutit aamma ilisimasanik avitseqatigiinnerit periarfissanngussapput. Aamma kisitsisitigut paasissutissat nunap assingisigut ersersinnerisigut ajornannginnerusumik ineriartornermik isiginnittoqarsinnaavoq malinnaasoqarlunilu.

Nunamik pilersaarusiornermut immikkoortortaqarfik uani e-mail: landsplan@nanoq.gl